تحميل رواية تعويذة باب زويلة pdf – فتحي محمد
تحميل رواية تعويذة باب زويلة pdf – فتحي محمد الروايه جميله بكل المعاني وضحت فعلا ان العدل والظلم وجهان لعمله واحده على مر التاريخ وان الشهيد يجب أن يعيش طوال حياته شهيد وأخلاقه اخلاق الشهداء من كرم واخلاص وتفاني في العمل وعدم القبول بالدَنِيَه في دين الله حتى وإن كانت تلك الدَنِيَه فيها مصالح له وكذلك على المحب الإخلاص لمحبيه كان للبطل فرصه للسيطره على عقول الناس لأبد الآبدين ولكنه رفض بالقول والفعل وكعاده المناضلين كان يجب أن تنتهي القصه بجائزه من الله وهي طلقه ليكون شهيدا ولكن لن يتم تعزيه ابنه لانه مؤكد ان ابنه فخور بوالده وسيمشي على نهجه فلن يموت الخير ابدا وكما قال الرسول صلى الله عليه وسلم (الخير في امتى الي قيام الساعه) وتذكروا ان لكل زمان مهدي منتظر خطأ يمهد لمهدي منتظر يكون حق ويتم الظلم على يديه
الرواية رائعة وحقيقي استمتعت بيها.. فكرة الزمن الموازي وقدرة الانسان القوية جدا والمحدودة في نفس الوقت على تغيير قدره.. ولو اتغيرت الظروف ايه اللي هيتغير في الإنسان.. الرواية بتفتح مدارك كتير وأسئلة جوانا.. حقيقي عمل رائع ورحلة جميلة ومستنية اقرأ تاني لفتحي محمد
رواية بروفيشنال من قلم بروفيشنال
أسلوب الكتابة سلس و ظريف تحس إن في ألفة كده
عجبني جدا فكرة إن مش موضوعنا التعويذة جت منين و مين ال كاتبها و كنت هزعل لو فسرت الموضوع ف الآخر لأن الفكرة ال الرواية ماشية ناحيتها أهم
عجبني جدا طرح فكرة إن يوسف لما رجع بالزمن و حاول يصنع سلاح محترم مجاش ف باله غير ال شافه ف الأفلام رغم إن يوسف جاي من العصر الحالي ال كله تطور و أسلحة و من السهل جدا على أي فرد أنه يجيب من ع الانترنت طريقة صنع إن شالله قنبلة ذرية و ده عجبني ف حاجتين انه بيلفت النظر على ضرورة إنك المفروض تتثقف و تقرأ ؛لأن ممكن العالم ينتهي ف لحظة أو ممكن ف لحظة تلاقي نفسك رجعت و بقيت ف زمن تاني ف هتكون بكل تأكيد محتاج للمعارف ال كانت بتمر مرور الكرام و مبتلفتش نظر حد و الحاجة الثانية إن ثبوت الأفلام ف دماغ يوسف و استخدامها لمساعدته كذا مرة ده بردو بيلفت النظر لأن تضمين المعارف من خلال حاجة مسلية زي فيلم أو رواية أو مسرحية أهم من قراءة مليون كتاب باسلوب جاف .