تحميل رواية لقاء إبليس pdf بسمة الخولي
تحميل رواية لقاء إبليس pdf بسمة الخولي
سأظل مؤمن بالقدير، كافِر بأن الصمت قدري ،
مسلم بالجنة ، وملحد بالزهد في الدنيا من أجلها ، سأظل نادم على خطاياي كافة ، إلا كراهية آدم .. ”
تدور أحداث الرواية حول الصراع الدائم بين الخير و الشر، بين الحق و الباطل، بين
“آدم” و ” أمير”، احدهما نشأ متفردًا، متفوقًا على جميع أقرانه، والآخر ظهر ليخطف الأضواء.
ليرنو نحوه الكُل هاتفًا ” هذا هو المختار ، هذا من كنا ننتظر ” ؛ يبدأ العداء من اللقاء الأول
.و ينتهي فقط بنهاية أحدهما، أو كليهما
رجلان تسابقا عبر الزمن ، للوصول إلى عرش أقيم فوق دماء و رماد الآخرين .
بالنهاية من سينتصر ؟ ، الخير ، الشر ، أم ستنتصب العُملة على الحافة ؟
مبدئياً بداية معرفتي ب بسمة ان هي اللي بتبعت لأحمد يونس قصص رعب ايام برنامج علي القهوة ف مبدئياً لو جه في دماغي انها روائية ف هتكون روائية رعب وده اللي حسيته من اسماء اول عملين ليها لانكم احياء لأننا موتي و أتما ووللأسف مقرتش اي عمل منهم لحد ما كانت التجربة الأولي في قرايتي ليها في عملها التالت بعد ما عملت زي كاس العالم واستنت بتاع 3 سنين او 4 الا شوية وجت ب الرواية التالتة ليها ( لقاء إبليس ) الإسم يقول انه رعب لقاء وابليس بس هنا احمد مراد ب الغلاف اداني رسالة ان المحتوي مش هيكون رعب مهو اكيد مفيش جن هيقعد ماسك مسدس وهنا نجمة للغلاف انا في عادتي بحب الاغلفة اللي بتديني رسالة وتحكيلي حكاية عن الرواية ورغم ان احمد مراد مش مبهر في التصميم العالية والزايدة ع غرار عبد الرحمن الصواف وكريم ادم ، بس الكوفرز اللي بيعملها بتبقا هادية وبتعرفك انتا داخل تقر ايه ، مقدمة لا بد منها
نيجي للرواية علي غرار اولاد حارتنا ل نجيب محفوظ وعلي غرار حاجات كتير في حياتنا الخير والشر مين جوا مين مين طرد مين من جنة مين ومش شرط جنة ربنا يبقا نفسك مين طرد الانسان اللي جواك من خيرك وشرك ؟ وده اللي دار بين احداث الرواية وبين ادم وامير وهنا مفيش حرق كل ده مكتوب علي ضهر الغلاف الرواية متقسمة اربع ترببع في عالم موازي بيوحيلك انك هتعيش في عصر قديم شوية هوب الكاتب بيشيلك يرميك في عالم تاني هوب بتروحي تطورات وبتلاحظ حاجة واحدة وهي نقطة المحتوي اللي الكاتبة فضلت مصممة عليها
ان كل حاجة من حواليك بتطور اه لكن نقطة الانتقام بين امير وادم وموجودة ونقطة مهمة ان الكاتبة فعلاً فضلت متمسكة بيها انها مرمتش حمل علي ده او علي ده بالعكس انا شوية متعاطف مع امير وادم شيطان وشوية العكس التوهان ده حالة لوحده
ونيجي للنقطة المهمة المحورية السرد ، السرد من اجمل الرويات اللي قرتها في حياتي سردها ووصف احداثها مش ممل اطلاقاً السرد يعتبر سلاح لبعض الروائين انهم يبقا معاهم احداث اه وتخطيطات للنهاية تعمل 100 صفحة بالسرد ممكن توصل ل 400 صفحة وفي ملل رهيب ، لكن ف لقاء ابليس السرد رائع حصيلة كلمات جميلة مزج الابتهالات الصوفية في اكتر من حدث مع المعارك اللي بتحصل رائعة
الرواية كانت هتبقا 10 من 10 لولا اخفاقين من وجهة نظري ميقللوش منها اطلاقاً
اولاً ايه اللي حصل في ال 14 سنة من بعد النبع معرفتش كتير غير ف فلاش باك بسيط كان بيدور في خاطر امير او ادم لما يقعده لوحدهم لكن معرفتش كل حاجة ؟ يوسف عايش ولا ميت ؟ طب ازاي رن علي امير لما كان في اسكندرية ؟ كانت محتاجة تفهمني اكتر ايه اللي حصل في اطار جميل وهي مددته بفكرة التطرف مع اسقاط سياسي بسيط كدة جماعة مقطم مقر وسابتها مفتوحة عشان متبقاش بتهاجم فئة معينة بعينها
الأخفاق التاني النهاية النهاية حلوة جداً بس يعني الكاتبة ملمتش اورقها بدري خالص واستنت لحد اخر ورق بس سحبت النهاية من غير ما تديني تفاصيل الاحداث اصلا كانت بتنم انها هتحصل يعني ديانا وامير ايه ! طب رجعوا النبع طب هيقعدوا فين ؟؟؟
ومبدئيا للي هيقراها لازم تركز في ملامح وتفاصيل الشخصيات عشان هتكشفلك حاجات في النهاية ، وفعلا من امتع الرويات اللي قرتها الرواية عندي من ساعة معرض الاسكندرية ويوم ما بدأت اقراها خلصتها علي 13 ساعة متقطعة والتقيم النهائي ل لقاء ابليس هو 8 من 10 واديها 4 نجوم هنا وبسمة محتاجة تحدد لنفسها هل هي كاتبة رعب ؟ ولا كاتبة عامة اعتقد انها لو ركزت في جال ثابت هتبدع في بجد وان الموضوع الجي في الرواية الرابعة مستني ولو بعد 4 سنين زي كاس العالم عادي
